نێچیرڤان بارزانی سەرۆكێ هەرێما كوردستانێ پەیامەك ل دۆر سالیادا كیمیابارانا بالیسان و شێخ وەسانان و دۆلا خۆشناوەتی پەلاڤكر و تێدا دیاركر، گەلێ كوردستانێ ب خۆراگر ما و تاوانكار ژ ناڤچوون.
نێچیرڤان بارزانی د پەیاما خۆدا ئاشكراكر، ئەو تاوانا مەزن یا سالا 1987 ڕژێما پێشترا عیراقێ كری، دەستپێكا زنجیرەیەكا تاوانێن دڕندانەیێن كیمیابارانكرنا خەلكێ سڤیل و ئەرد و سرووشتێ جوانێ كوردستانێ بوو.
ئاماژە ب هندێ دا، دڤێ هەلكەڤتا ب ئازاردا سەرێ ڕێز و نەوازشێ بۆ گیانێ پاقژێ شەهیدێن نەمر د چەمینن، سلاڤان بۆ كەسوكارێن وان یێن سەربلند و قوربانی و بەركەڤتییێن وێ كارەساتێ دهنێرن.
سەرۆكێ هەرێمێ سەبارەت دەڤەرێ و خۆ ڕاگرییا كوردان ئاشكراكر، بالیسان و شێخ وەسانان و دۆلا خۆشناوەتی هەردەم مەلبەندێ نیشتیمانپەروەرییێ و پشتەڤانێن شۆرەش و پێشمەرگەی بوون، لەوما بوو ئارمانجا وێ كریارا ڕەش، لێ گەلێ كوردستانێ ب خۆراگری ما و تاوانكار ژ ناڤچوون.
