كۆمه‌لگه‌ها ده‌ریێ سنۆرى یێ ناڤدەولەتی یێ ئیبراھیم خەلیل، ئاگه‌هدارییه‌ك بۆ گەشتیاران به‌لاڤكرییه و تێدا دیار كرییه، ئه‌و گه‌شتیارێن دڤێن سەره‌دانا توركیا بكەن، پێدڤییه راپۆرتا پشكنینا كۆرۆنایێ ل گه‌ل بیت و ئه‌نجامێن وێ نێگه‌تیڤ بن.
كامى كه‌مال، به‌رپرسێ پەیوەندی و راگەهاندنا کۆمەلگەها ده‌ریێ سنۆریێ ناڤدەولەتی یێ ئیبراهیم خەلیل، بۆ خانى نیوز دیار كر، ب رێیا نڤیساره‌كێ، وان ئاگەھدارییا خەلکێ هەرێما کوردستانێ و ئیراقێ كرییه، هەر کەسەکێ بڤێت سەرەدانا وەلاتێ تورکیا بکەت، پێدڤییه راپۆرتا پشکنینا کۆرۆنایێیا (PCR) نێگەتیڤ ل گەل بیت و هه‌روه‌سا ٧٢ دەمژمێر زێدەتر ب سەر دەرچوونا وێ راپۆرتێ ڤە دەرباز نەبن، ژبەرکو ل دووڤ رێنماییێن نوو یێن وه‌لاتێ توركیا بێى هەبوونا راپۆرتا پشکنینا کۆرۆنایێ رێکێ نادەن گەشتیار سەره‌دانا وه‌لاتێ وان بکەن، ئەڤ بریاره دێ ل رێکەفتی٣٠\١٢\٢٠٢٠ ھێتە بجهئینان.
خانى نیوز ، زنار تۆڤى:
