رێڤەبەرییا پۆلسێن پارێزگەھا دھۆکێ د پرێسکۆنفرانسەکی دا ئامارا روودانێن کوشتن و خوەکوشتن و دزی و تاوانان یێن سالا ٢٠٢٠ێ بەلاڤکرن.
ھێمن سلێمان، بەرپرسێ راگەھاندنا رێڤەبەرییا پۆلیسێن پارێزگەھا دھوکێ گۆت: ئەڤسالە ھەتا نھا ل سنۆرێ پارێزگەھا دھۆکێ، ٣٠ کەس ھاتینە کوشتن ژ وانا ژی ٢٥ زەلام و پێنج ژن بوون، دیسان ٤١ کەسان ژی خوەکوشتیە ژ وانا ٢٦ زەلام و ١٥ ژن بوون.
ھێمن سلێمان گۆت: ھزار و ٧٠٠ تاوانێن فێلبازی، ٥٩٤ تاوانێن دزیێ و ٤٧٧ تاوانێن گەفکرنێ ژ کەسانێن دی ھاتینە تۆمارکرن، ١٠٨ حالەتێن قومارێ و ٤٧ حالەتێن بکارئینانا مادێن ھشبەر ھاتینە تۆمارکرن، ھەر دیسان ھەژمارەکا سکالاین ھاتینە تۆمارکرن ژ وانا ٥٣٦ سکالا ل سەر خراپ بکارئینانا تۆرێن جڤاکی و ٨٣٩ سکالا ژی ل سەر روودانێن شەری بوون و ٨٣ سکالا ل سەر کارێ سەختەکرنێ بوون.
بەرپرسێ راگەھاندنا رێڤەبەرییا پۆلیسێن پارێزگەھا دھۆکێ دیار ژی کر، ئەڤسالە ھمبەری سالا بووری روودان و تاوان کێمتربوون و گۆت ژی، نێزیکێ ٩٠% ژ وان تاوان و سکالا ژی ھاتینە ئێکلاکرن.
خانی نیوز، نەوزاد ھلۆری:
