پێنج دوکان و مارکێتێن شێلادزێ و کۆمەلگەھا سیریێ ل شەڤا ۲۷/١٢/٢٠٢٠ پشتی دەمژمێر چارێ سپێدی ژ ئالیێ ھندەک دزیکەران ڤە ھاتن شەلاندن، پولیسێن شێلازێ ژی بەرھەڤنەبوون چ داخویانیان بدەن.
کەرەم سالح کەرەم، خودانێ مارکێتەکێ د ناڤا بازارێ شێلادزێ دا بۆ خانی نیوز دیارکر، شەڤا ۲۷/١٢/٢٠٢٠ پشتی دەمژمێر چارێ سپێدی دز کەفتینە مارکێتا وی و چەندین کەلوپەل دگەل کۆژمەکێ پارە دزینە و گۆت: دزیکەران دەمێ چوونا کارەبێ بۆ خوە ب دەلیڤە دیتیە کو چو کەس ل وان نەبینن و کامیرێن چاڤدێریێ ژی کار نەکەن و د تاریێ را دزیا خوە بکەن، ئەوان گۆمان ل سەر چ کەسان نینن، بەری چەند ھەیڤان ژی دز کەفتبوونە پرۆژێن وی و جیرانێن یێن خودانکرنا ئاژەلی و چەندین تەنێن ئاری دزی بوون.
وەرات عەلی یوسف ژی ئێک ژ خودانێن مارکێتانە یێن ھاتیە شەلاندن بۆ خانی نیوز گۆت: دوھی سپێدێ ل دەمێ ڤەکرنا مارکێتا خوە وەسا دیت دەرگەھێ مارکێتا وی یێ ڤەکریە و قفل یا شکەستییە، پشکەکا کەلوپەلان کوژمەکێ پارەی ژی ھاتیە دزین، د ھەمان شەڤ دا پێنج مارکێت و دوکان ل شێلادزێ و کۆمەلگەھا سیریێ ھاتینە شەلاندن و وان پۆلیس ئاگەھارکرینە و دەمێ دوام ڤەدبیت دێ سکالایێ ژی تۆمارکەن.
خانی نیوز پەیوەندی ب پۆلیسێن شێلادزێ کر، بەلێ چ داخویانی ل سەر ڤێ دزیێ نەدان.
