لیژنەکا پەرلەمانێ ئیراقێ ب مەرەما چارەسەرکرنا ئالۆزیێن ناڤبەرا جۆتیارێن کەرکووکێ ئەڤرۆ رۆژا دوشەمبی گەھشتە وى باژاری و پەرلەمانتارەکێ پارتی ژی ئاشکراکر، بزاف بەردەوامن بۆ چارەکرنا ئاریشەیا ئەردێ جۆتیاران.
شێروان دوبەردانی، پەرلەمانتارێ فڕاکسیۆنا پارتی ل پەرلەمانێ ئیراقێ بۆ خانی نیوز دیارکر، مەرەم ژ سەرەدانێ چارەکرنا ئاریشەیێن ناڤبەرا جۆتیارێن کەرکووکێ یە، بتایبەتی مەترسی ل سەر ئەردێ جۆتیارێن کورد پەیدابوویە و ھندەک عەرەبێن شۆڤێنی دخوازن ب زۆری ئەردێ کوردان داگیر بکەن.
شێروان دوبەردانی ئاشکراکر، پارتی ل سەر ئاستێ بەغدا و کەرکووکێ بزاڤێن خوە دەستپێکرینە، ژبه‌ركو ئەو دێ به‌رگریێ ژ خەلکێ خوە ل کەرکووکێ کەن و ھەموو دەڤەرێن کوردستانی، پێدڤیە ل گۆرەی دستوور و قانوونێ ئاریشەیێن جۆتیاران بھێنە چارەکرن، نەک وەکی نها ھندەک خەلکێ شۆڤێنی بخوازیت ب زۆری و پشتەڤانیا دەستھەلاتا داگیرکەرا کەرکووکێ گوندێن کوردان داگیر بکەت.
ھەولێر، قائید میرۆ
