شاندێ دانوستانکارێ ھەرێما کوردستانێ ئەڤرۆ د گەل پەرلەمانێ کوردستانێ د کۆمبوونێ دایە و ل گۆرەی زانیاریێن خانی نیوز چ رێکەفتن د ناڤبەرا ھەرێما کوردستانێ و بەغدا دا نەھاتینە کرن.
کۆمبوونا شاندێ حکومەتێ و پەرلەمانێ کوردستانێ یا بەردەوامە و خانی نیوز پەیوەندی ب ھەژمارەکا پشکدارێن کۆمبوونێ کر، بەلێ ژبەرکو کۆمبوون بەردەوامە بەرھەڤ نەبوون چ زانیاریێن فەرمی ئاشکرا بکەن، لێ ل گۆرەی زانیاریێن خانی نیوز، شاندێ ھەرێما کوردستانێ د گەل بەغدا ئەڤ چەندە بۆ پەرلەمانی ئاشکراکریە، کو سەرەرای بەرھەڤییا ھەرێما کوردستانێ بۆ رێککەفتنێ، بەغدا نیازەک ل ھەیە د گەل ھەرێما کوردستانێ دا نەگەھن چ رێککەفتنان.
ژێدەرەکی ژ ناڤا کۆمبوونێ دیارکر، بەغدا نەک یا بەرھەڤ نینە پارە و مووچێ خەلکێ کوردستانێ بدەت، بەلکو ب چ شێوەیەکی یا بەرھەڤ نینە بۆ سالا بھێت ژی مووچەی بدەت و داخوازکریە ھندەک پارێن بەرێ ژی بھێنە ڤەگەراندن بۆ بەغدا.
زانیاریێن دروست ھەنە، ھەکە بھێت و د دەمێ پەسەندکرنا بودجێ گشتیێ عێراقێ دا پشکا ھەرێما کوردستانێ وەکو خوە نەھێتە پەسەندکرن و ھنارتن، ئەڤە ل گۆرەی داھاتێ ناڤخوە ھەیڤانە دێ مووچێ فەرمانبەران ژلایێ حکومەتا ھەرێما کوردستانێ ڤە ھێتە بەلاڤکرن و نێزیک دێ پلانا بی ھێتە بجھئینان.
خانی نیوز، قائید میرۆ، ھەولێر:
