ئەندامەکێ لیژنا کاروبارێن جڤاکی ل جڤاتا نووونەرێن ئیراقێ راگەھاند، نێزیکی ٤٠% ژ ئاکنجێن ئیراقێ ل ژێر ھێلا ھەژاریێ نە.
فازل فەتلاوی، ئەندامێ لیژنا کار و کاروبارێن جڤاکی ل جڤاتا نوونەرێن ئیراقێ ئەڤرۆ رۆژا دووشەمبی راگەھاند، ٤٠% ژ ئاکنجێن ئیراقێ ل ژێر ھێلا ھەژاریێ نە و رەوشا دارایی ژی ل ئیراقێ کارتێکرن ل وان کریە.
ئاشکرا ژی کر، لیژنێن وان دێ کار کەن کو د بودجەیا ٢٠٢١ێ دا پلان و بەرنامە بۆ بھێنە دارێژتن و دێ سنۆرەکی بۆ ئاستێ ھەژاریێ دانن.
دوپات ژی کرییە، کو د بودجا سالا ٢٠٢١ێ دا پێشینە بۆ خەلکێ ھەژار دێ ھەبن، داکو بۆ وان ببیتە ژێدەرەک و ژیارا خۆ ب رێڤەببەن.
٤٠%ێ ژ ئاکنجێن ئیراقێ ل ژێر ھێلا ھەژاریێ نە
