بھایێ دیناری ئیراقی ھمبەری دۆلارێ ئەمریکی بەردەوام د نزمبوونێ دایە، ئەڤرۆ سێشەمبی بھایێ ١٠٠ دۆلارێن ئەمریکی ھمبەری ١٤٣ ھزار و ١٠٠ دیناران بازار پێ ھاتە کرن. ئێک مسقالا زێرێ عەیار ٢١ ژی ل بازارێن ھەرێما کوردستانێ ب ٣٨٠ ھزار دیناران ھات فرۆشتن.
ئەڤرۆ بەراورد ب دوھی رۆژا دوشەمبی، بھایێ دینارێ ئیراقی ھمبەری دۆلارێ ئەمریکی زێدەتر داکەفتییە، رۆژا دووشەمبی ١٠٠ دۆلارێ ئەمریکی بەرامبەر ب ١٤٢ ھزار و ٢٥٠ دینارێن ئیراقی بوو، لێ ئەڤرو بوو ١٤٣ ھزار و سەد دیناران بلند بوو، ھەروەسا بھایێ زێری ژی بەراورد د گەل دوھی بلند بوویە.
دەمەکە ژ ئەگەرێ نزمبوونا بھایێ دیناری ھمبەری دۆلارێ ئەمریکی بازارێن ھەرێما کوردستان سستی بخوڤە دیتیە و خەلک بەر ب کرینا دۆلاری چوویە، با‌نکا ناڤەندیا ئیراقێ ژی ئاشکرا کر، بھایێ نوو یێ دینارێ ئیراقی ھمبەری دۆلارێ ئەمریکی دێ ١٤٥٠ دینار بن و گوھۆرین ب سەر وی بھای دا ناھێتە کرن.
