ده‌ستهه‌لاتدارێن پۆله‌ندا بابه‌كێ ئیراقى و كورێ وى ب پاره‌دانا رێكخستنا تیرۆرستییا داعشێ تۆمه‌تباركرن.
ده‌ستهه‌لاتدارێن وه‌لاتێ پۆله‌ندا ئاشكه‌راكر، وان تۆمه‌تا هاریكارى و پاره‌دانا رێكخستنا تیرۆرستییا داعشێ ب رێیا سیسته‌مێ حه‌واله‌كرنا پاران ل سالا دوهزار و شازدێ ئاراسته‌ى باب و كوره‌كێ ئیراقى كرینه.
ئاژانسا ئاسایبشا نه‌ته‌وه‌ى یا پۆله‌ندا ئاشكه‌راكر، ئه‌و پارێن وان دو كه‌سان ره‌وانه‌كرین بۆ كریارێن تیرۆرستى ل رۆژهه‌لاتا ناڤین ژ ئالیێ داعشێ ڤه هاتییه بكارئینان.
ئه‌و دو ئیراقییه ل خزیرانا بوورى هاتینه ده‌سته‌سه‌ركرن و ل چارده‌ى كانوونا ئێكێ یا ئه‌ڤساله هاتنه تۆمه‌تباركرن و میدیایێن پۆله‌ندا دبێژن، هه‌كه ئه‌و تۆمه‌ت ب سه‌ر وان دا هاتنه پشتراستكرن، هه‌ر ئێك ژ وان دێ ب دوازده سالێن زیندانكرنێ هێته سزادان.
ئاژانسا ئاساییشا نه‌ته‌وه‌ى یا پۆله‌ندا دوپات ژى كر، ژێده‌رێ وى پارێ بۆ داعشێ ژلایێ وان دو ئیراقییان ڤه هاتییه ره‌وانه‌كرن، ژ مالباتێن تیرۆرستێن داعشێ یێن نها ل وه‌لاتێن ئه‌ورۆپا دژین هاتینه كۆمكرن، ب رێیا سیسته‌مێ وێسترن یۆنیو‌ن یێ تایبه‌ت ب حه‌واله و ڤه‌گوهاستنا پاره‌ى بو پۆله‌ندا هاتییه هنارتن به‌رى حه‌واله‌ى ئیراقێ بهێته‌كرن.
ئاژانسا ده‌نگۆباسێن پۆله‌ندا ئاشكه‌راكر، هه‌ڤژینا ئه‌و كه‌سێ هاتییه تۆمه‌تباركرن، ب كارێن تیرۆرستى ل ئه‌لمانیا تۆمه‌تباره.
