جه‌میله مه‌هدی كاكه‌یی، ژ ئالیێ نه‌ته‌وێن ئێكگرتى ڤه، وه‌كو ئێك ژ ژنێن داهێنه‌رێن رۆژهه‌لاتا ناڤین هاته هه‌لبژارتن و نوكه ل وێ رێكخستنێ به‌رپرسا دۆسیه‌یا مافێن مرۆڤییه یا تایبه‌ت ب هه‌رێما كوردستانێ ڤه.
جه‌میله ژنه‌كا كوردا كاكه‌ییه، ل كه‌مپێن په‌نابه‌ران ل ئیرانێ ژ دایكبوویه، ژ ئه‌گه‌رێ فشارێن جڤاكى، د ژیێ 13 سالیێ دا شووكرییه.
جه‌میله دبێژیت، ل ده‌ستپێكا ژیانا هه‌ڤژینیێ دا ل گوندى ژیانه‌كا ب زه‌حمه‌ت بوراندییه، وێ هزر ل گوهۆرینا ژیانا خوه كرییه و باشترین بژارده ژى بۆ وێ، ڤه‌گه‌ریان بوویه بۆ خواندنێ.
پشتى خواندنێ وێ ده‌ست ب چالاكین كرییه، بۆ به‌ره‌ڤا‌نیكرنێ ژ مافێن مرۆڤى ب گشتی و مافێ ژنان ب تایبه‌تی، نوكه ل رێكخستنا نه‌ته‌وێن ئێكگرتى، وه‌كو به‌رپرسا دۆسیه‌یا مافێ مرۆڤى یا تایبه‌ت ب هه‌رێما كوردستانێ ڤه كار دكه‌ت.
