ئەڤرۆ سالڤەگەرا ١٤ یا سێدارەدانا سەدام حسێن، سەرۆکێ رژێما بەعسا ژناڤچووى یا ئیراقی یە.
د رۆژەکا وەکی ئەڤرۆ دا ل ٣٠ ی کانونا ئێکێ یا سالا ٢٠٠٦ سەدام حوسێن، سەرۆکێ رژێما بەعسا ئیراقێ د رۆژا ئێکێ یا جەژنا قوربانێ دا ژ ئالیێ حكومهتا نوورى مالكى ڤه ھات سێدارەدان پشتی کو ب سەرۆکەکێ دکتاتۆر ب ناڤ كرى ژ بەر تاوانێن وی یێن ھۆڤانە.
سەدام حسێن ل ١٣ یێ کانونا ئێکێ سالا ٢٠٠٣ د چالەکێ دا ل دهردۆرا باژارێ تکریتێ ھاتە دەستەسەرکرن و ل ٥ چریا دوێ یا سالا ٢٠٠٦ بڕیارا سێدارەدانێ بۆ ھات دەرکرن و ل باژارێ بەغدا ھات سێدارەدان.
رژێما بەعس، ل سالا ١٩٦٨ تا ١٩٩١ ب سەرۆکاتییا سەدامی حکومرانییا کوردستانێ دکر و سیاسەتا تەپەسەرکرنا کوردستانێ پەیرەو دکر، دکتاتۆریەکا مەزن ل ھمبەر کوردان و بزاڤا رزگاریخوازا کوردی ھەبوو کو ١٨٢ ھزار وەلاتیێن کورد ئەنفالکرن، ٨ ھزار بارزانی شەھیدکرن، ٥ ھزار وەلاتیێن ھەلهبجە کیمیابارنکرن و نێزیکی ٥ ھزار گوندێن باشورێ کوردستانێ وێرانکرن.
