جێگرا سەرۆکا لژنا سامانێن سروشتی ل پەرلەمانێ کوردستانێ دیارکر کو ئەوان ژ نێزیک دووڤچوون ل سەر بلندبوونا بهایێ غازێ کریە و گۆت: رەنگە بهایێ بوتلێ غازێ ل 8500 دیناران جێگیربیت.
گولیزار سندی، جێگرا سەرۆکا لژنا سامانێن سروشتی ل پەرلەمانێ کوردستانێ بۆ خانی نیوز گۆت، بلندبوونا بهایێ غازێ بۆ چەند ئەگەران ڤهدگهریت، ژ وانا بهایێ دۆلاری هەمبەری دیناری ژلایێ حکومەتا عیراقێ ڤە، ئەڤێ یەکێ ژى بهایێ گەلەک کەلوپەلان گرانکریە ژ وانا ژی غاز، گرێبهستێن كۆمپانیێن بهلاڤكهرێن غازێ دگهل كۆمپانیا بهرههمهێنهر ب دۆلارى یه و کۆمپانی ب دیناری ددەنه خەلکی، وەزارەتا سامانێن سروشتی ل گەل کۆمپانیا غازا مالان دابین دکەت کۆمبوویە و وەزارەتێ دیارکریه بهایێ بوتلێ غازێ بلندتر نابیت ژ 8500 دیناران.
گولیزار سندی گۆت: وەزارەتێ دیارکریە ئەگەر وان کونترۆلا بهایی نەکربایە رەنگە بهایێ بوتلێ غازێ گههشتبا 15 هزار دیناران.
ئەوان پشتراستی دایە کو بهایێ غازێ ژ 8500 دیناران بلندتر نەبیت و نابیت ب چ ئاوایی خەلک زیانداربیت ب بهانەیا داكهفتنا بهایێ دینارى.
خانى نیوز، نهوزاد زاده هلۆرى
