فەرماندارێ فەیلەقا قودس یا سەر ب سوپایێ پاسدارێن ئیرانێ ڤه ب ههلكهفتا نێزیکبوونا سالرۆژا کوشتنا قاسم سلێمانی، ل تویتەرێ خوه دا گهفێن کوشتنێ ل سێ بەرپرسێن ئەمریکا کرینه، كو ئێك ژ وان سەرۆکێ نوكه یێ ئەمریکا یە.
ئیسماعیل قائانی نڤێسییه: هشیاریێ د دەینە دۆنالد ترەمپێ سەرۆکێ ئەمریکا، سەرۆکێ دەزگههێ CIA و مایک پۆمپێیۆ وەزیرێ دەرڤه یێ ئەمریکا، کو وەک سەلمان روشدی، ژیانهكا نهێنی بگرنەبەر، ژبهركو کۆمارا ئیسلامی ژ خوینا ب نهحەق یا رشتنا قاسم سلێمانی خۆش نابیت و دێ تۆلا خوه ڤهكهت.
ل رۆژا 3 کانوونا دویێ یا 2020 د هێرشهكا فرۆكهیێن بێ فرۆكهڤانێن ئهمریكا دا هەر ئێك ژ قاسم سلێمانی، فەرماندارێ فەیلەقا قودس یا سوپایێ پاسدارێن ئیرانى و ئەبو مەهدی موهەندس، جێگرێ سەرۆکێ دەستەیا حەشدا شەعبی ل فرۆکەخانا نێڤدەولەتی یا بەغدا هاتینه كوشتن.
