چیمان احمد، قوتابیهكا زانکۆیێ دیارکر، د ڤی سەردەمی دا گرنگیەکا مهزن ب ھندەک تشتان دھێتە دان ئێک ژ وان ژی جوانییە، رۆژ بۆ رۆژێ بەربەلاڤ دبیت، ھەروەسا گرنگیەکا مهزن ب پارەی ژی دھێتە دان و کچ رازى د بیت ژیانا ھەڤژینیێ دگەل کەسەکێ پێك بینیت ئهگهر دگهل وێ نە گونجیت ژی بەس دەولەمەند بیت.
فەوزی بەھجەت چالاکڤانێ د بیاڤێ چڤاکی دا دیارکر: د نها دا جوانى بوويه ئێك ژ خالێن ههره گرنگ د ناڤا جڤاكى دا و گهنج ئێدى خودان بريار نينه بهلكو گهنج يێ بوويه ئاميرهك د دهستێ دهوروبهران دا.
فەوزی بەھجەت گۆت ژى: گهلهك جاران كورهك دێ كچهكێ ههلبژێريت دڤێت ب بيته خێزانا وى و دزانيت دێ بكێر وى هێت بهلێ ژبهر كرێتیا وێ دێ دهوروبهر بنه رێگر چ خێزان بيت یان ههڤال، ب وێ یهكێ هزر، رهفتار و باشى ههمى دبنه قوربانى یا كرێتیێ، كچ ژى نهچار دبیت پهنايێ ببهته بەر جوانيا دهستكرد.
ئاشكرا ژى كر، جوانى ژى خالهكه ژ خالێن پرۆسا ههڤژينيێ بهلێ خالا دویماهیێ یه، ئهگهر د جڤاكى دا ئهڤ خالە ژ خالێن دهستپيێكێ هاته ههژمارتن بۆ پرۆسا ههڤژنينێ، كور و كچ نهچارن كهسێ بهرامبهر جوانى و دهولهمهندیێ ههلبژێریت و ئهگهر نه ههلبژارت ژی ژ لايێ دهوروبهران ڤه دێ هێته رهخنهكرن.
ل گۆرهى گۆتنا فەوزی بەھجەت، هندهك جاران كچ و كور بهختهوهرى و نه بهختهوهريێ دكهنه د قالبێ جوانى، دهولهمهندى، كرێتى و ههژاريێ دا ، يا پێدڤى نينه ئهو كهسا د ههلبژێريت يا جوان بيت دا بهختهوهربيت .
ئێك ژ ئهگهرێن ژێكڤهبوونێ جوانی و دهولهمهندى يه و ژ بهر وی ئهگهرى يێ ههلبژارتى نهكو ل دووڤ باشيێ، پێدڤى يه باش هزر ڤێ چهندێ دا بهێتهكرن و بزانن كى د خۆشى و نهخوشيان دا دێ دگهل گونجيت.
خانی نیوز، مەنیجا ئەیوب
