ژ ئەگەرێ شەرەکێ د ناڤبەرا خێزانەکێ دا شەڤا بووری ل ھەولێرێ، دو کەس ھاتنە کوشتن و ھەشت یێن دی ژی برینداربوون.
ژێدەرەکی ژ ناحیا دارەتوو یا نێزیکی باژێرێ ھەولێرێ بۆ خانی نیوز دیارکر، شەڤا بووری ل سەنتەرێ ناحیا دارەتوو شەر دناڤبەرا چەندین وەلاتییان دا روودایە و د ئەنجامدا دو کەس ھاتنە کوشتن و ھەشتێن دی ژی برینداربوون و ھاتینە ڤەگوھاستن بۆ نەخۆشخانا ھەوارھاتنێ.
وی ژێدەری گۆت ژی، ئەو کەسێن شەر دناڤبەرا وان دا روودای خزمێن ئێکن و ئەگەرێن ئاریشێ نەھاتینە ئاشکەرا کرن، لێ ھێزێن ئەمنی گەھشتینە جھێ روودانێ و ڤەکۆلینان دەستپێکرییە.
