رێکخستنا ھەنگاو یا مافێن مرۆڤی راگەھاند؛ 59 وەلاتیێن کورد ل سالا 2020 ل رۆژھلاتێ کوردستانێ ھاتینە سێدارەدان.
ناڤەندا ئامار و بەلگەنامێن رێکخستنا ھەنگاو یا مافێن مرۆڤی ئامارێن سالا 2020 ل رۆژھەلاتێ کوردستانێ بەلاڤکرن، كو ب كێمى 500 وەلاتی ل رۆژھەلاتا کوردستانێ ھاتینە دەستەسەرکرن و 153 کەس ژ وان ھاتینە زیندانکرن و سێدارەدان، د ھەمان دەم دا، 238 کۆلبەر و سیھـ وەلاتیێن سڤیل ھاتینە کوشتن و بریندارکرن.
دیار ژی کر، د ئەڤسالە دا، سزایێ سێدارەدانێ ب سەر پتری 59وەلاتیێن کوردستانێ و ئیرانێ ھاتییە ب جھئینان کو 4 زیندانیێن سیاسی بوون و 51 کەس ژی ب تۆمەتا کوشتنا ئەنقەست و زیندانییەکێ سیاسی یێ کورد ھاتییە تیرۆرکرن و ھەروەسا سزایێ سێدارەدانا 2 سنێلان و ژنەکێ ژی ھاتییە بجھئینان.
د ھەمان دەم دا، پتری 138 کۆلبەر و کاسبکارێن کورد ھاتینە کوشتن و بریندارکرن، ب رەنگەکی 59 کۆلبەر ھاتینە کوشتن 179 ژی برینداربووینە.
رۆژھەلاتێ کوردستانێ: 59 وەلاتیێن کورد ل سالا 2020 ھاتینە سێدارەدان
