سکۆت بێسنت: پارێن ئازادکری یێن ئیرانێ بۆ کڕینا بەرهەمێن ئەمریکی دێ هێنە بکارئینان

سەرۆکێ ئەمریکا و وەزیرێ گەنجینەیا وێ وەلاتی ڕاگەهاند، سەرمایێ ئازادکری یێ ئیرانێ ب تەمامی د بن کۆنترۆلێ دایە و ب تنێ بۆ کڕینا خوارن و دەرمانێن ئەمریکی دێ هێتە بکارئینان.
هەروەسا ترەمپی هۆشداری دایە کو ئەگەر تەهران پەیمانا خۆ بشکێنیت و باجێ بێخیتە سەر گەمییێن ل تەنگئاڤا هورمز، دێ دانوستاندن هەر نوکە هێنە ڕاگرتن.
سکۆت بێسنت، وەزیرێ گەنجینەا ئەمریکا د چاڤپێکەفتنەکێ دا دگەل کەناڵێ “CNBC” ئاشکرا کر: پارێ ئازادکری یێ ئیرانێ ل وەڵاتێ قەتەر هاتیە دانان، بەرپرسێن وەزارەتا گەنجینا ئەمریکا ل دەوحە چاڤدێریا چەوانیا مەزاختنا وی پارەیی دکەن.
بێسنتی گۆت ژی: ڕێژەکا مەزن ژ وی پارەیی بۆ کڕینا گەنمی، گەنمۆكان ژ جۆتیارێن ئەمریکی و کڕینا دەرمانان هاتیە تەرخانکرن، ب ڤێ چەندێ ژی پارە دێ جارەکا دی بۆ بەرژەوەندیا بەرهەمهێنەرێن ئەمریکی هێتە زڤڕاندن.