تورکیا.. 8 ئیراقی ب تۆمەتا داعشێ ھاتن گرتن

ھێزین ئێمناھییا تورکیا ئوپەراسیۆنەک ل دژی تیرۆرستێن داعش ل پارێزگەھا سەکاریا ل باکورێ رژۆئاڤایێ وی وەلاتی کر و ھەشت بەرگۆمانێن ئیراقی دەستەسەرکرن.
رێڤەبەریا ئاساییشا پارێزگەھا ساکاریا ل ھەرێما دەریای رەش یا تورکیا د بەیانەکێ دا راگەھاند، تیمێن دژەتیرۆرێ سەر ب رێڤەبەریا ئاساییشا سەکاریا ڤە، ئۆپەراسیۆنەک بۆ سەر چار ناڤونیشانێن دیارکری کر و ھەشت ئیراقی ب تۆمەتا ئەندامبوونا رێکخستنا تیرۆرستییا داعشێ دەستەسەرکرن، یێن پێشتر چەندین چالاکیێن تیرۆرستی کرین و ئێک ژ وان ژی بەرپرسێ مەشق و راھێنانێن سەربازی یێن ئەندامین نوو یێن داعشێ بوو ل ئیراقێ.
ھەروەسا ل جھێ ڤەحەویانا بەرگۆمانان دەست ب سەر چەند بەلگان دا ھات گرت دەستەسەرکری پشتی پشکنینێن ساخلەمیێ بۆ دادگەھێ ھاتن رەوانەکرن.