پەیڤدارێ حکومەتا ھەرێما کوردستانێ راگەھاند، ئەوان چ بەھانە بۆ نەھنارتنا پشکا بودجەیا ھەرێمێ و بنەجھکرنا وێ د قانوونا بودجا فیدرال دا نەھێلاینە.
جۆتیار عادل د پەیامەکێ دا راگەھاند، ب ھەلکەفتنا ھاتنا سالا نوو پیرۆزباھیێ ل ھەموو وەلاتییان و مالباتێن شەھیدێن سەربلند دکەت، ھیڤیی ژی خواستن سالا نوو ئاشتی و ئارامیەکا زێدەتر بۆ کوردستانێ دروست بیت و داوی ب قەیرانان بھێت.
جۆتیار عادل کۆت ژی، حکومەتا ھەرێما کوردستانێ ھەموو شیانێن خوە بۆ چارەکرنا قەیرانان و پێشخستنا پرۆسا چاکسازیێ و خزمەتکرنا وەلاتییان د ھەموو واران دا د مەزێخیت، چ بەھانە ژی بۆ نەھنارتنا پشکا ھەرێمێ ژ بودجا ئیراقا فیدرال نەھێلاینە.
گۆتنێن جۆتیار عادل د دەمەکی دانە دوھی مەسروور بارزانی، سەرۆکوەزیرێن ھەرێما کوردستانێ راگەھاند بوو، ئەو د گەل حکومەتا ئیراقێ ل دۆر بودجەیا سالا دوھزار و بیست و ئێکێ گەھشتینە رێککەفتنێ، ھیڤیی ژی خواستن قانوونا بودجا فیدرال وەکو خوە بھێتە بجھئینان.
