ژ ئەگەرێ شەرەکی د ناڤبەرا دو مالباتێن گوندەکێ پارێزگەھا ھەولێرێ دا وار کەس ھاتن کوشتن و چارێن دی ژی برینداربوون.
عەلی عەبدوللا، رێڤەبەرێ پۆلیسێن قەزا کۆیە بۆ خانی نیوز دیارکر، ئەڤرۆ نیڤرۆ ل گوندێ ئەشکەو سەقا یێ سەر ب ناحیا دیگەلە کو دکەڤیتە ناڤبەرا قەزا کۆیە و باژێرێ ھەولێرێ دا، ل سەر ئاریشەیا ئەردی شەر دروستبوویه و د ئەنجام دا چار کەس ھاتن کوشتن، د ناڤا کوشتیان دا بابەک و دو کوڕ ھەنە و چار کەس ژی برینداربووینە.
رێڤەبەرێ پۆلیسێن کۆیە ئاماژەکر، ھێزێن ئێمناهیێ گەھشتینە جھێ روودانێ و تەرمێن قوربانیان ژی ھاتینە ڤەگوھاستن بۆ نەخۆشخانەیێن ھەولێرێ.
ل گۆرەی زانیاریێن خانی نیوز، ئاریشەیا وان دو مالباتان بۆ بەری چەند سالان ڤەدگەریت لسەر ئەردێ گوندی و بەری نوکە ژی چەندین جاران شەر د ناڤبەرا وان دا دروست بوویه.
خانى نیوز، قائید میرۆ، ههولێر:
