وەزیرێ ساخلەمیا تورکیا راگەھاند، ڤایرۆسێ نوو یێ کۆرۆنا گەھشت تورکیا و 15 تووشبوویێن وی ڤایرۆسی ھاتن تۆمارکرن کو ژ بریتانیا سەرەدانا تورکیا کرییە.
دکتۆر فەخرەدین کۆجا، وەزیرێ ساخلەمیا تورکیا راگەھاند، پشتی ڤەکۆلینان بۆ دیارکرنا ڤایرۆسێ نوو یێ کۆرۆنا ئاشکەرا بوو کو 15 کەسێن ژ بریتانیا ڤەگەریاینە تورکیا ھەلگرێن ڤایرۆسی بوون و تورکیا گەشتێن خوە د گەل وەلاتێ بریتانیا بۆ ده‌مه‌كى راگرتن.
فەخرەدین کۆجا گۆت، هه‌ژمارا تووشبوون و گیان ژ دەستدانێ ب کۆرۆنایێ ل تورکیا بەر ب کێمبوونێ یە.
دیار ژی کر، تا نھا 21 ھزار و 93 کەسان ل تورکیا ب پەژیکا کۆرۆنا گیانێ خوە ژ دەستدایە و رێنمایێن توندتر ژ بۆ رێگریێ ژ بەلاڤبوونا کۆرۆنایێ دگرنه به‌ر.
