وەزارەتا ساخلەمییا ئیراقێ راگەھاند؛ رێژەیا چارەسەربوونا تووشبوویێن کۆرۆنا 90% دەربازکر و ھەژمارا تووشبوویان ژی کێمبوویە.
سەیف بەدر، پهیڤدارێ وەزارەتا ساخلەمییا ئیراقێ بۆ میدیایا ئیراقی راگەھاند؛ رێژەیا چارەسەربوونێ ژ ڤایرۆسێ کۆرۆنا ل ئیراقێ 90% دەربازکر و ئەو یەکە ئاماژەیە بۆ باشتربوونا خزمەتێن ساخلەمیێ ل ئیراقێ.
پەیڤدارێ وەزارەتا ساخلەمیێ دیار ژی کر، د 24 سهعهتێن بووری دا زێدەتری 41 ھزار پشکنینێن کۆرۆنایێ ھاتینە کرن و تەنێ 2% یا پشکنینان پۆزەتیڤ بوون.
ل گۆرهى داوی ئامارا کۆرۆنایێ ژی، تا نھا 596 ھزار و 193 کەس ل ئیراقێ تووشی کۆرۆنا بووینە، 12 ھزار و 824 تووشبوویان گیانێ خوە ژ دەست داینە و 43 ھزار و 554 توشبووى ژى چارەسەربووینە.
