وەزارەتا ساخلەمییا حكومه‌تا هه‌رێما كوردستانێ رەتکر حاله‌تێن تووشبوونا ب ڤایرۆسێ نوو یێ كۆرۆنایێ ل ھەرێما کوردستانێ و ئیراقێ هاتبن تۆمارکرن.
دکتۆر ئاسۆ حەوێزی، پەیڤدارێ وەزارەتا ساخلەمیێ بۆ خانی نیوز دیارکر، ھێشتا چ حالەتێن ڤایرۆسێ نوو یێ کۆرۆنایێ ل ھەرێما کوردستانێ و ل ئیراقێ ژی نەھاتینە تۆمارکرن، بەلێ رێ و جھێن پێدڤی ھاتینە بەرھەڤکرن بۆ تۆمارکرنا ھەر حالەتەکی ئەگەر تووشبوون ھەبیت.
دکتۆر ئاسۆ حەوێزی گۆت ژی: ڤایرۆسێ کۆرۆنایێ بشێوەیەکی بەرچاڤ ل ئیراق و ھەرێما کوردستانێ بەر ب کێمبوونێ دچیت، ل ھەولێرێ دو نەخۆشخانەیێن تایبەت ب کۆرۆنایێ و ل دھۆکێ ئێک نەخۆشخانە بۆ توشبوویێن کۆرۆنایێ ھاتینە چوولکرن، بەلێ رامانا وێ چەندێ نادەت کۆرۆنا نەمایە.
خانى نیوز، قائید میرۆ، ھەولێر:
