كوشتنا ژنان ل توركیا بوویه دیارده، رۆژ نینە ب دهستێ زهلامان دهنگ و باسێ كوشتنا ژنان ل وى وهلاتى د رۆژنامان دا نههێته بهلاڤكرن، حهفتیا بوورى ژى مامۆستایەكا زانكۆیێ ژ لایێ ههڤژینێ وێ ڤه ل ستەنبۆلێ هاته كوشتن، ل دووڤ ئامارێن سالا دوهزار و بیستێ ل توركیا سێسهد ژن هاتینه كوشتن.
پلاتفۆرما راوستیان و كوشتنا ژنان ل توركیا، د راپۆرتهكا سالانە یا خوهدا ئاشكراكر، سالا دوهزار و بیستێ ل ههموو توركیا سێسهد ژن ب دهستێ زهلامان هاتینه كوشتن.
پلاتفۆرما راوستیانا كوشتنا ئافرەتا ل توركیا بهلاڤكر، نوتو حهفت ئافرەتان ههڤژینى پێكئینایه و ب دەستێ ههڤژینێت خو هاتینه كوشتن، هەروەسا پێنجى و چار ژنێن دى ب دەستێ خوشتڤیێن خو هاتینه كوشتن و سیهـ و ههشت ب دهستێ كهسێن خو یێن نێزیك، بیست و ئێك ژى ب دهستێ ههڤژینێن خو یێن بهرێ هاتینه كوشتن، هەروەسا ههژده ژلایێ كورێن وان ڤه و ههڤده ل سهر دهستێ بابێن خو هاتینه كوشتن و ههژمارهكا دى ژلایێ كهسێن نهنیاس كوشتینه.
ئێك ژوان ئهگهرێن زهلاما نهچار بكهت ههڤژینا خوه بكوژیت، یان خووشكا خو، یاسایا سزادانا توركیایە، ژبهركو هەر دهمێ ژنێ بكوژن و كەسهكێ نێزیكى ژنێ لێ خۆشبیت دێ هێته ئازادكرن، ههكهلێ خۆش ژى نەبن، بكوژ ب تنێ دههـ سالا دهێته زیندانكرن، وێ یهكێ ژنێن توركیا تۆره كرینه و دبێژن حكومهت رێخوشكهره بۆ كوشتنا ژنان.
