ئەندامەکێ جڤاتا نوونهرێن ئیراقێ راگەھاند؛ جڤاتێ 333 کەس رادەستی دادگەھێ کرینە کو ب دۆسەیا گەندەلیێ د وارێ کارەبێ دا تۆمەتبارن و نێزیکی 20 پلەدارێن وەزیر د ناڤا وان دا ھەنە.
جەمال محەمەداوی، بۆ ئاژانسا نووچەیێن ئیراقێ راگەھاندییە؛ جڤاتا نوونەران لیستەیا تۆمەتباران بێی ئامادەبوونا وان کو 333 کەسن ب تۆمەتا گەندەلیێ د وارێ کارەبێ دا رەوانەی دادگەھێ کرینە، د ناڤا وان دا 20 کەساتیێن وەزیر ب پلە ھەنە و 27 کەس ب پلەیا رێڤەبەرێن گشتی ههنه و خویا ژی کر، تۆمەتبارێن دی پلەیا وان ژ رێڤەبەرێن گشتی کێمترن.
کارەبا ئیراقێ ئێکە ژ کێشەیێن مەزن، کو کەرتێ کارەبێ د 17 سالێن بووری دا پارەیەکێ مەزن خەرج کرییە لێ ژ بەر گەندەلیێ نەھاتییە چارەکرن.
ل گۆر زانیاریێن بانکا ناڤهندییا یا ئیراقێ، سالانە ب کێماسی 18 ملیار مەترێن سێجا غاز دھێتە سۆتن کو ب پلەیا دویێ پشتی رۆسیا و ئەمریکا دھێت، لێ كارهب دروست ناگههیته وهلاتییان.
