بڕیارە رۆژا ١٠ی ئەڤێ ھەیڤێ دەست ب دەواما کەرتێ پەروەردێ بھێتەکرن و بەرپرسەکێ وەزارەتا پەروەردێ ژی دبێژیت: بەرھەڤی ھاتینە کرن بۆ دەستپێکرنا دەواما قوتابخانان ب مەرجەکی رێنمایێن خۆپاراستنێ بھێنە بجھئینان.
دکتۆر سەیوان فەرەج، بریکارێ وەزارەتا پەروەردێ بۆ خانی نیوز دیارکر، دیوانا وەزارەتا پەروەردێ کۆمبوونەک ل دۆر دەستپێکرنا دەواما قوتابخانان کرییە و تێدا بریار ھاتیەدان رۆژا ١٠ی ڤێ ھەیڤێ دەست ب دەواما کەرتێ پەروەردێ بھێتەکرن، وەزارەتێ بەرھەڤیێن دروست بۆ دەستپێکرنا دەوامێ کرینە و بریارە ل گۆرەی رێنمایێن خۆپاراستنێ دەست ب دەوامێ بھێتەکرن.
دکتۆر سەیوان فەرەج ئاشکرا کر، بریارە ڤێ حەفتیێ لژنا بلندا بەرھنگاربوونا ڤایرۆسێ کۆرۆنایێ ژی کۆم بیت و تێدا وەزارەتا ساخلەمیێ دێ راپۆرتەکێ ل دۆر رەوشا ساخلەمیێ بەلاڤ بکەت، بەلێ وەزارەتا پەروەردێ ژلایێ خۆڤە بریار دایە دەوام دەستپێبکەت.
