سەرۆکوەزیرێن ئیراقێ د کۆمبوونەكێ دا ل گەل ههژمارەكا وەزیر و مامۆستایێن زانکۆیی دیار كر: نها وهلاتێن جیران بزاڤێ دكهن پشتهڤانیا ئیراقێ بکەن، داكو جارهكا دى گهشه بكهت.
مستەفا کازمی، گۆت ژى: بۆ هەموو ئالیان دیاربوویه، كو ئیراق بۆ راگرتنا ههڤسەنگیا هەرێمی و ناڤدەولەتی وهلاتكێ گرنگە، پشتى دەستبكاربوونا کابینا وى ژى، باوهریا وهلاتییان ب هێزێن ئەمنی زێدهبوویه و نها هێزێن ئەمنی بۆ پاراستنا گەلێ ئیراقێ بۆ هەر جۆرە مەترسییەکێ ئامادەنه.
ل دۆر پرۆژەقانوونا بودجەى، مستەفا کازمی، داخواز كرییه، داویێ ب موزایهدەكرنێ ل سەر حسابا گەلێ ئیراقێ بینن و پڕۆژهقانوونا بودجەى و وەرەقا سپی ب تنێ چاکسازی نینن بۆ موجامەلەکرنا ئێكودو، ئەڤە داوى دهلیڤهیه بۆ دوبارە ڤهژاندنا ئیراقێ.
سەرۆکوەزیرێن ئیراقی گۆت ژى: ل سالا 2021 دێ راستیێن مهزن ل دۆر گەندەلیێ ئاشکرا کەن، كو دێ کاریگەری ل سەر وارێ ئابووری و گەشەپێدانێ ههبیت.
