سهروكێ حكومهتا ههرێما كوردستانێ پارێ پێدڤى بۆ تمامكرنا پروژێ ئاڤا ئاكرێ ل سالا بوورى خهرج كربوو، قایمقامێ قهزا ئاكرێ ژى دبێژیت: ئهڤساله دێ پروژه ب داوى هێت و ئاڤێ دێ بۆ ههژده گوندێن نێزیك سنۆرێ قهزا ئاكرێ دابین كهت.
مازن محهمهد، قایمقامێ قهزا ئاكرێ دیاركر، پرۆژێ ئاڤا ئاكرێ ئێكه ژ پرۆژێن ستراتیژى و دێ ئاڤا ڤهخوارنێ ژ قهندیلی بۆ سهنتهرێ قهزا ئاكرێ دابین كهت، بهلێ ژ ئهگهرێ قهیرانا دارایى كاركرن د پروژهى دا هاتبوو راگرتن و نها دهست ب تهمامكرنا پرۆژهى هاتییه كرن.
مازن محهمهد گۆت: سهرۆكێ حكومهتێ كۆژمێ ههژده ملیار دیناران بۆ تمامكرنا پرۆژهى خهرج كرینه و ههكه چ ئاستهنگ چێنهبن بریاره ئهڤساله پرۆژه ب داوى بهێت و بكهڤیته خزمهتا وهلاتیێن ئاكرێ.
ناڤبرى ئاماژه ب وێ چهندێ ژى كر كو پروژێ ئاڤا ئاكرێ دێ ئاڤێ بۆ سهنتهرێ باژارێ ئاكرێ و ههژده گوندێن سنۆرێ ئاكرێ دابین كهت و بۆ تهمامبوونا پرۆژهى دێ ئاریشا كێم ئاڤیێ چاره كهت.
