یازده سیناتۆرێن کۆماری د جڤاتا پیرێن ئه‌مریكا دا رەت دکەن ئەنجامێن هەلبژارتنێن سەرۆکاتیا ئەمریکا پەسەند بکەن، ئه‌ڤه ژى ئێكه ژ داوى بزاڤێن کۆمارییان بۆ رێگریکرنێ ل جۆ بایدنى، داكو نه‌بیته سه‌رۆكێ ویلایەتێن ئێکگرتى یێن ئەمریکا.
جۆ بایدنىد راگەهاندنه‌كا هه‌ڤپشك دا یازده سیناتۆرێن کۆماری ب سەرۆکاتیا تێد کرۆزى، داخواز کریه ڤه‌کۆلینه‌كا هوور د ئەنجامێن هەلبژارتنێن سەرۆکاتیا ئەمریکا دا بهێته كرن، ژبه‌ركو وان گۆمان هەیە سه‌ختەکاری د بەرژەوەندیا جۆ بایدنى دا هاتبنه كرن.
ئەڤ بزاڤا کۆمارییان، ل گەل چەندین بزاڤێن دیتر بۆ رێگریکرنێ یه ژ سه‌رنه‌كه‌فتنا ترەمپى، د گه‌ل وێ یه‌كێ ژى چ كراتێكرن ل سەر جڤاتا هەلبژارتنێن ئەمریکا نابیت.
بڕیارە ل رۆژا چارشەمبى، کۆنگرێسێ ئەمریکا دەنگى ل سه‌ر ئەنجامێن هەلبژارتنین سەرۆکاتیی بده‌ت، کۆنگرێس پێکدهێت ژ جڤاتا پیران و جڤاتا نوونەران، کۆماری پرانیا جڤاتا پیران پێکدئینن، دیمۆکرات ژى پرانیا جڤاتا نوونەران، له‌وما یا ب زه‌حمه‌ته وان یازده سیناتۆران چانس هەبیت بۆ رێگریكرنێ ژ سەرکەفتنا بایدنى.
