نۆشدارێن زانکۆیا رۆچێستەر راگههاندينه؛ كێشانا جگارا ئەلیکترۆنی هزر و بیر و تهركیزان كێم دكهت.
د. دۆنگمێی لی، پرۆفیسۆرى هاریكار ل سهنتهرێ نۆشدارى ل زانکۆیا رۆچێستەر و سەرپەرشتێ ڤهكۆلینان راگههاند؛ ل دووڤ ڤهكۆلینێن نوو نۆشدارێن سەنتەری رۆچێستەر ئاشكرا كرییه، كێشانا جگارا ئەلیکترۆنی شیانێن تەرکیزێ كێم دكهت و دیار كرییه، بهری نها ژى ڤهكۆلین ل سهر ڤى بابهتى كرینه و ژ بهر كو كارتێكرنێن جگارا ئەلکترۆنی ل سەر لهشێ مرۆڤى گهلهكن ژبهرهندێ نابیت جگارا ئهلكترۆنى وهك جێگرهك بۆ جگارا ئاسایى دانن.
د ڤهكۆلینان دا دووڤچوون بۆ 18 هزار گهنجان هاتیه كرن و وهسا دیاربوویه، جگارا ئەلکترۆنی دكێشن ئاریشێن هزر و بیر و فێربوونان ههنه و شیانێن تهركیزێ كێمترن.
د. دۆنگمێی خویا ژی كرییه، د نها دا كێشانا جگارا ئهلكترۆنى ل سهرانسهرى جیهانێ ژلایێ گهنجان ڤه د زێدهبوونێ دایه، پێدڤیه ههموو وهلات رێكارێن پێدڤى بۆ کێمكرن و قەدەغەکرنا جگارا ئەلکترۆنی بگرنهبهر.
