بریارە ڤێ حەفتیێ پۆستێ وەزیرێ سامانێن سروشتی بهێتە ئێکلاکرن و سەرۆکێ فراکسیۆنا پارتی ژی دبێژیت، ناڤێن بەربژاران دێ دەنە سەرۆکایەتیا پەرلەمانی، حكومهتا ههرێمێ ژى كهمال ئهترووشى بۆ وى پۆستى بهربژار كرییه.
ئومێد خۆشناو، سەرۆکێ فراکسیۆنا پارتی ل پەرلەمانێ کوردستانێ بۆ خانی نیوز دیار، سەرەرای وەرزێ بهێنڤەدانا پەرلەمانی، لێ بریارە پەرلەمانێ کوردستانێ کۆمبوونەکا تایبەت بۆ دەنگدان ل سەر هەلبژارتنا وەزیرێ سامانێن سروشتی بكهت و تێدا دێ دەنگ ل سەر دیارکرنا وى پۆستى هێتەدان.
خۆشناو ئاشکرا کر، وەزیرێ سامانێن سروشتی پشکا پارتیە و دێ سیڤیێن بەربژارێن خوە پیشکێشی دەستەیا سهرۆکایەتیا پەرلەمانی بکەن و د دووڤ دا دێ رۆژەک بۆ کۆمبوونا پەرلەمانی هێتە دیارکرن.
ژ ئالییهكێ دى ڤه جۆتیار عادل، پهیڤدارێ حكومهتا ههرێما كوردستانێ راگههاند، مهسروور بارزانى، سهرۆكوهزیرێن ههرێمێ، دكتۆر كهمال ئهترووشى بۆ پۆستێ وهزیرێ سامانێن سروشتى بهربژار كرییه و سیڤیێ وى بۆ پهرلهمانى هاتیه هنارتن.
د. كهمال ئهترووشى:
ل سالا 1955 ل ئهترووش ژ دایكبوویه.
سالا 1975 بهكالوریۆس ب جیۆلۆجیا ل كولیژا زانستى ل بهغدا تهمام كرییه.
ل كۆمپانییا نشتیمانییا پهترۆلا ئیراقێ كار كرییه.
ماستهر ب جیوفیزیایا ڤهدیتنا پهترۆلێ ل زانكۆیا بۆردیۆكس ل سالا 1987 ب دهستڤهئینایه.
دكتۆرا ل ههمان زانكۆ ل سالا 1991 د وارێ بسپۆریا جیۆفیزیایا پهترۆلێ دا ب دهستڤهئینایه.
دكتۆرا ل پهیمانگهها فرهنسى ب پهترۆلێ بدهستڤهئینایه.
35 سال سهربۆر د كارێ جیۆفیزیایێ دا ههیه.
خانى نیوز، قائید میرۆ، هەولێر:
