بڕیارە جڤاتا نوونەرێن ئیراقێ ل حەفتییا بھێت ل دۆر پرۆژەقانوونا بودجەی کۆم بیت و فراكسیۆنا پارتی بزاڤا پاراستنا پشكا هه‌رێمێ دكه‌ت.
ڤیان سەبری، سەرۆکا فراکسیۆنا پارتی ل جڤاتا نوونەرێن ئیراقێ بۆ خانی نیوز راگەھاند؛ دھێتە پێشبینی کرن کۆمبوونا جڤاتا نوونەرێن ئیراقێ ل دۆر پرۆژەقانوونا بودجەی ل رۆژا شەمبیێ ل حەفتییا بھێت كۆم بیت و د دەمێ چار رۆژان دا خواندنا ئێکێ و دویێ بۆ بھێن کرن و پاشان ھوورکاتیێن تەمام ل دۆر پرۆژەی بھێن کرن و پرۆژه د دەما مەھەکێ دا دێ ھێت دەربازکرن، بزاڤان ژى دکەن بزووترین دەم بیت ژبەرکو چاڤێن ھەموو ئیراقی و کوردان ل سەر پرۆژەی نە.
ڤیان سەبری ل دۆر پشکا کوردان ژی گۆت: چەندین ماددە ل دۆر پشکا ھەرێمێ ھاتینە نڤێسین ل گۆرەی رێککەفتنێ بڕیارە پشکا کوردان 12.67 وەکو سالا 2019 بیت و داھاتێ پەترۆلێ رادەستی ئیراقێ بکەن و نیڤا داھاتێ دەروازەیان دێ پشكا كوردان بیت وەکو ل سەر رێککەفتین.
سەرۆکا فراکسیۆنا پارتی د پرسیارا خانی نیوز دا ل دۆر مسۆگه‌ركرنا مافێ کوردان د پرۆژەقانوونێ دا خویا کر، بزاڤان دکەن پشکا ھەرێمێ بپارێزن و ل گۆرەی رێککەفتنێ بھێت دەربازکرن ژ بەرکو دەنگدان ژ ئالیێ چەندین پەرلەمانتاران ل سەر پشکا کوردان نەیا ب ساناھی یە.
