بڕیارە ل ناڤه‌راستا ڤێ ھەیڤێ دەست ب بەلاڤکرنا مووچێ ھەیڤا ١٠ یا سالا بۆری بھێتەکرن و ئەندامەکێ لێژنا دارایی و ئابوری ژی دبێژیت، لێبڕین دێ وەکو ھەیڤا بۆری ٢١%ێ بیت.
ئەرشەد حسێن، ئەندامێ لێژنا دارایی و ئابوری ل پەرلەمانێ کوردستانێ بۆ خانی نیوز دیارکر: ل گۆرەی وان زانیاریێن حكومەتێ داینە مە، بڕیارە ل ١٥ی ئەڤێ ھەیڤێ وەزارەتا دارایی و ئابوری دەست ب بەلاڤکرنا مووچێ ھەیڤا ١٠ یا سالا بۆری بکەت و رێژا لێبڕینێ ژی دێ وەکو ھەیڤا بۆری ٢١%ێ بیت.
ل دۆر چاکسازییا لیستا مووچەخۆران ژی ئەرشەد حسێنى راگه‌هاند: راستە دێ چاکسازی د مووچێ فەرمانبەر و خانەنشینان دا ھێنه‌کرن، لێ ھێشتا دیارنەبوویە دێ چەند ھێتە بڕین، چونکە ھندەک دەرمالە دێ ھێنە کێمکرن و مووچەیێن نه یاسایی ژى دێ هێنه بڕین.
ھەولێر، قائید میرۆ
