وه‌لاتێن ئه‌ندام د رێكخراوا ئۆپێك دا دێ كۆم بن و دێ بریارێ ل سه‌ر زێده‌كرن یان مانا قه‌بارێ به‌رهه‌مئینانا په‌ترۆلێ د بازارى دا ده‌ن.
وه‌لاتێن بەرهەمهێنەرێن په‌ترۆلێ نه‌گه‌هشتنه چ رێككه‌فتنان ل سه‌رمانا قه‌بارێ به‌رهه‌مئینانا په‌ترۆلێ، هه‌كه بهایێ پترولێ داكه‌فت.
وه‌لاتێن ئه‌ندام ل هه‌یڤا ئێكا ئه‌ڤساله رازیبووینه رۆژانه پێنجسه‌د هزار به‌رمیلێن په‌ترۆلێ د بازارى دا زێده‌بكه‌ن، بەلێ د هه‌یڤا بهێت دا، پێشبینى دهێته كرن بهایێ په‌ترۆلێ ئاسایى بیت، له‌ورا پێدڤیه رۆژانه پێنجسه‌د هزار به‌رمیلێن په‌ترولێ زێده‌بكه‌ن.
عەبدولعەزیز بن سەلمان، وەزیرێ وزا سعودیە راگەهاند: هەرچەندە ڤاکسینا دژى کۆرۆنا هاتیه دروستکرن، بەلێ پرۆسا به‌لاڤكرنا وێ ب خاڤى برێڤه‌دچیت، ژبه‌ر وێ یه‌كێ داخواز ژ ئه‌ندامێن ئۆپیك پله‌س كر رازى ببن قه‌باره‌ى به‌رهه‌مئینانا په‌ترۆلێ جێگیر بیت.
دوهى ژ ئه‌گه‌رێ كۆمبوونا ئۆپێک پلەس، بهایێ بەرمیله‌كا پترۆلا برێنت بۆ پێنجى و سێ دۆلاران بلند ببوو، لێ ژبه‌ر نه‌رێككه‌فتنا ئه‌ندامێن ئۆپێكێ ئه‌ڤرۆ بهایێ په‌ترۆلێ بو پێنجى و ئێك دۆلاران داكه‌فت.
