ئەلیکساندەر لوکاشینکۆ، سەرۆکێ بیلارووس، دەربارەیی پاراستنا ژینگەھێ ئەڤرۆ رۆژا سێشەمبی ٥-١-٢٠٢١ راگەھاند، پەژیکا کۆرۆنایێ وەکی سزایەکی یە ژ دەڤ خودێ کو ب سەر مرۆڤی دا ھاتی، چونکی ئەم گرنگیێ ب سرۆشتی نادەین.
لوکاشینکۆ، د کومبوونەکێدا دگەل کرێکارێن ئێک ژ دامەزرێنەرێن مینسکێ پایتەختێ وەلاتی، گۆت: د بیرەوەرییا سەرێ سالا نویدا مە بەحسێ ترومبێلەکا کارەبێ کرییە، و پەیاما سەرەکی ژی ئەوە، کو گرنگیێ ب سرۆشتی بدەین و پاقژیا ژینگەھێ ژی بھێتە پاراستن، چونکی ئەگەر ئەم دگەل سرووشتی خۆ نەگونجینین، ئەم تەندروست نابین و زارۆکێن مە ژی دێ د ھەژار بن.
لوکانشینکۆی ئاماژە ب وێ چەندێ ژی کر، گرنگیدان ب ژینگەھێ ژی، گەرەنتییا رەوشەکا باش و ساخلەمییا خەلکی یە د ژیانێدا، و پالپشتییەکە بۆ دەستھەلاتداران، دێ کارێن بەرفرەھـ ژی کەین بۆ ب کارئینانا وزا کارەبێ د بوارێن جودا جودا دا ب تایبەت کەرتێ ڤەگۆھاستنێ و گەرمکرنێ.
