سەرۆکێ فراکسیونا پارتی ل پەرلەمانێ کوردستانێ رادگەھینیت: ئەم چاڤەرێنە کو ھەڤپشکێن مە دەنگی ل سەر کاندیدێ پوستێ وەزیرێ سامانێن سرۆشتی بدەن و بەروڤاژی ھندێ مە پوستێن دیتر ماینە کو بۆ وان دکەڤن، ل وی دەمی چاڤەرێی دەنگێن فراکسیونا پارتی نەبن.
ئومێد خۆشناو، سەرۆکێ فراکسیونا پارتی ل پەرلەمانێ کوردستانێ راگەھاند: مە دەنگێن یاسایی یێن ھژمارا پەرلەمانتاران ھەنە و ئەم چاڤەرێنە کو ھەڤپشکێن مە ژى دەنگی ب کاندیدێ پوستێ وەزیرێ سامانێن سرۆشتی بدەن.
بەری نوکە ژی دابان محەممەد، ئەندامێ پەرلەمانێ کوردستانێ ژ فراکسیۆنا گۆران راگەھاندبوو، کو بەشەک ژ ئەندامێن فراکسیۆنا گۆران دەنگی ب کاندیدێ پارتی نادەن. ئەڤە ژی پێچەوانەی وێ رێکەفتنا ناڤبەرا پارتی و بزاڤا گۆڕانێ یە یاکو ژ بۆ پێکئینانا کابینا نەھێ یا حكومه‌تێ ھاتبوو کرن.
بریارە سوبەھی پەرلەمانێ کوردستانێ رۆینشتنەکا نە ئاسایی سازبکەت و دەنگی کاندیدێ پوستێ وەزارەتا سامانێن سرووشتی بدەت کو پشکا پارتی دیموکراتی کوردستانە.
