رێڤه‌به‌رێ گشتی یێ ده‌سته‌یا گشتى یا باجا ئیراقێ ئاشكرا كر، داهاتێ باجا ئیراقێ ل سالا 2020ێ گه‌هشتییه نێزیكى چوار ترلیۆن دیناران.
ل گۆر به‌یاننامه‌كا رێڤه‌به‌رێ گشتی یێ ده‌سته‌یا باجا ئیراقێ، تێدا راگه‌هاندییه كو ب تنێ ل مه‌ها كانوونا ئێكێ یا سالا 2020ێ داهاتێ باجێ زێده‌ترى 430 ملیار دیناران بوویه، و داهاتێ باجا هه‌مان مه‌هـ ل سالا 2019ێ 320 ملیار دیناربوویه.
شاكر زوبێر، رێڤه‌به‌رێ گشتی یێ ده‌سته‌یا گشتى یا باجا ئیراقێ ئه‌و چه‌نده ژى ئاشكرا كر كو داهاتێ وه‌رگرتنا باجێ یێ سالا بورى سێ ترلیۆن و هه‌شت سه‌د و پێنجى ملیار دیناربوون و گه‌هشتینه گه‌نجینا ئیراقێ.
سه‌ره‌راى زێده‌بوونا داهاتێ باجێ ژى حكومه‌تا ئیراقێ تووشی قه‌یرانه‌كا سه‌ختا دارایى بوویه و بانكا ناڤه‌ندى یا ئیراقێ بریارا دابه‌زاندنا بهایێ دینارێ ئیراقى دابوو.
