سێشەمبا بھێت ئەمازیغی دێ ئاھەنگا سالا ٢٩٧١ێ گێرن و ل دووڤ رۆژژمێرا تایبەت ب وانڤە دێ یادا سالا نوو ساخکەنەڤە، ژبلی شێوەیێن گشتێن جیھانێ ھندەک دەڤەر و مللەت ھەنە رۆژژمێر و سالنامەیا تایبەت ب خۆڤە ھەنە و ھەر دەڤەرەک ژی ب رەنگەکێ تایبەت ئاھنگا سەرسالا خوە دگێرن.
دیرۆکا سالیادا ئەمازیغییان ب دوو جۆران ھاتییە باسکرن و دوو بۆچوونێن جودا ل سەر ھەنە و دیرۆکنڤێس ژی بۆ دوو تیمان دابەشدکەن:
تیما ئێکێ: باوەریا وان ئەوە کو د بنەرەت دا سالیادا ئەمازیغییان ڤەدگەریتەڤە بۆ ھەیڤا کانوونا دووێ، ئەو ژی ئاماژەیەکە بۆ ئاھەنگا جۆتیاران ل سەر ئەردێ چاندنێ کو ب سالا جۆتیاران دھێتە نیاسین.
تیما دووێ: دیرۆکنڤێس د تیما دووێ دا باوەریا وان ئەوە کو بیرەوەریا سالا نوو یا ئەمازیغییان ڤەدگەریتەڤە بۆ بیرەوەرییا سەرکەفتنا مەزنا پاشایێ ئەمازیغی کو ناڤێ وی (شاشناق) بوو، کو د باژێرەکی دا سەرکەفتن ل سەر ئێک ژ فیرعەونێن میسرێ ب ناڤێ (رەمسیسی) ئینایە، کو دیرۆکا وی ڤەدگەریتەڤە بۆ ٩٥٠ سالان بەری مشەختی.
