پەرلەمانێ کوردستانێ ئەڤرۆ د كۆمبوونه‌كا نه‌یاسای دا ده‌نگ ب دكتۆر كه‌مال ئه‌تروشی وه‌ك وه‌زیرێ سامانێن سروشتی دا.
پەرلەمانێ کوردستانێ ئەڤرۆ سات یازدە یێ سبێ کۆمبوونەکا نە یاسای گرێدا و تێدا ب 81 ده‌نگێن په‌رله‌مانتاران باوه‌ری دایه دکتۆر کەمال ئەتروشی وه‌ك وه‌زیرێ سامانێن سروشتی یێ حكومه‌تا هه‌رێما كوردستانێ و ل هه‌مبه‌ر په‌رله‌مانی ئه‌ڤرۆ سویندا قانوونی خواركو دبیته كه‌سێ دوێ بۆ وی پۆستی پشتی ئاشتی هه‌ورامی.
هه‌ر یه‌ك ژ پەرلەمانتارێن فراکسیۆنێن پارتی دیمۆکراتی کوردستان، ئێکەتیا نشتیمانی و ته‌ڤگه‌را گۆڕانێ دەنگ ب د. کەمال ئەترووشى دا و پارتیێن ئۆپۆزسیۆن ژی دەنگ پێ نه‌دا.
دكتۆر كه‌مال ئه‌تروشی، ژ ئالیێ پارتی دیموكراتی كوردستان ڤه بۆ وی پۆستی هاتبوو هه‌لبژارتن و ئومێد خۆشناو، سەرۆکێ فراکسیونا پارتی ل پەرلەمانێ کوردستانێ راگەھاندبوو: ئەو چاڤەرێنە ھەڤپشکێن وان دەنگی ل سەر بدەن و مە پوستێن دیتر ماینە کو بۆ وان دکەڤن.
