سه‌رۆكێ ئێكه‌تییا هه‌نارده‌یا باشوورێ روژهه‌لاتا ئه‌نادۆلێ راگه‌هاند، هه‌نارده‌كرنا كه‌لوپه‌لان ل باكوورێ كوردستانێ ل كانوونا ئێكێ یا سالا 2020 ب رێژه‌یا 40% زێده‌بوویه.
ئه‌حمه‌د فكره‌ت كیله‌جى، د نڤێسینه‌كێ دا راگه‌هاند؛ قه‌باره‌یێ هه‌نارده‌یا پارێزگه‌هێن باكوورێ كوردستانێ ل سالا 2020 ب به‌راوردی د گه‌ل سالا 2019 دا ب رێژه‌یا 40% بلندبوویه و گه‌هشتییه ملیاره‌ك و 29 ملیۆن و 85 هزار دۆلاران، داتایێن وه‌زاره‌تا بازرگانى یا توركیا ژی وێ یه‌كێ دیاردكه‌ن، ل كانوونا ئێكێ یا 2020 پارێزگه‌هێن باكوورێ كوردستانێ كه‌لوپه‌ل هه‌نارده‌ى 193 وه‌لاتان كرینه وئه‌ڤه ژى هه‌ژماره‌كا به‌رچاڤه به‌راورد ب مه‌هێن پێشتر.
ل گوره‌ى راگه‌هاندنا سه‌رۆكێ ئێكه‌تییا هه‌نارده‌كارێن باشوورێ روژهه‌لاتا ئه‌نادۆلێ گایب، 2400 كۆمپانیێن ل باكورێ كوردستانێ ل سالا بۆری كه‌ل و په‌ل هه‌نارده‌كرینه، كو 1716 ژ وان كۆمپانییان ل پارێزگه‌ها دیلۆكێ كاردكه‌ن.
هه‌ر ل گوره‌ى ئامارا ئێكه‌تییێ، باكوورێ كوردستانێ ب رێژا 40.5% كه‌لوپه‌ل هه‌نارده‌ى وه‌لاتێن روژهلاتا ناڤین كرینه، ئه‌ورۆپا ژى ل رێزا 2 دهێن ب رێژه‌یا 15.7%، و وه‌لاتێن كیشوه‌رێ ئه‌مریكا ژى ب رێژه‌یا 15.2%.
