برێت مهكگۆرك، نوونهرێ پێشتر یێ سهرۆكێ ئهمریكا ل ههڤپهیمانییا ناڤدهولهتى یا دژى داعشێ دێ ڤهگهریته كۆچكا سپى و پۆستهكێ بلند وهرگریت.
روژناما نیۆیۆرك تایمز یا ئهمریكى، د راپۆرتهكێ دا راگههاندییه؛ برێت مهكگۆرك، هنارتییێ پێشتر یێ سهرۆكێ ئهمریكا ل ههڤپهیمانییا ناڤدهولهتى یا دژى داعشێ دێ دوباره ڤهگهریته كۆچكا سپى و پۆستێ بهرپرسێ دۆسهیا روژههلاتا ناڤین و باكوورێ ئهفریقیا د ئیدارهیا جۆ بایدنى دا وهرگریت و بڕیاره ل 20 ڤێ مههێ ل ئیدارا جۆ بایدنى دهست بكاربیت.
مهكگۆركی ل داوییا كانوونا ئێكێ یا سالا 2018، ل دهمێ دۆنالد ترامپى بریارا ڤهكێشانا هیزێن ئهمریكى ژ روژئاڤایێ كوردستانێ داى، مهكگۆركى وهك نهرازیبوون ل دژى وێ بریارێ دهست ژ كار كێشا بوو.
مهكگۆركی پشتى دهست ژ كاركێشانا خۆه ژى، ماوهیهكى وهك ڤهكۆلهر و ماموستایێ زانكویێ كاردكر، پاشان وهك شیرهتكارێ بلند ل تیما نهتهوهیێن ئێكگرتى بو ڤهكۆلینان ل تاوانێن داعش یۆنیتاد دهست ب كاربوو، و مهكگۆركى دۆستایهتییهكا مهزن دگهل كورد و ههرێما كوردستانێ و روژئاڤایێ كوردستانێ ههیه.
