<h2>ئەڤرۆ ئێكشەمبى (29ى ئادارا 2026)، ئیسلام ئاباد پایتەختێ پاكستانێ مێهڤاندارییا كۆمبوونەكا چارقۆلى د ناڤبەرا مسر، توركیا، سعوودیە و پاكستانێ دا دكەت، بۆ گەنگەشەكرنا پێشهاتێن رەوشا دەڤەرێ د چارچووڤێ شەرێ ئەمریكا و ئیسرائیلێ ل دژی ئیرانێ دا.</h2> <h2> دوهی شەمبییێ، "بەدر عەبدولعەتى" وەزیرێ دەرڤەیێ مسرێ ب مەرەما پشكداریكرنێ د كۆمبوونا چارقۆلى دا گەهشتە ئیسلام ئاباد.</h2> <h2> وەزارەتا دەرڤە یا پاكستانێ د بەیاننامەیەكێ دا دیاركر، "محەمەد ئیسحاق دار" وەزیرێ دەرڤە یێ وى وەڵاتى، ل فڕۆكخانا نێڤدەوڵەتییا "نۆر خان" پێشوازى ل هەڤكیڤێ خۆ یێ مسرى كرییە.</h2> <h2> د بەیاننامێ دا هاتیە كو ئەڤ سەرەدانە ب تنێ بۆ پشكدارىكرنێ نینە د كۆمبوونێ دا، بەلكو بۆ گەنگەشەكرنا رێكێن ب هێزكرنا پەیوەندیێن ناڤبەرا پاكستان و مسرێ یە د چەندین واران دا، هەروەسا گۆت، رەوشا نوكە یا دەڤەرێ ل سەرێ لیستا كارێن وان یێن هەرە پێشینە.</h2> <h2> دهێتە چاڤەڕێكرن، ل سپێدەهییا ئەڤرۆ هەر ئێك ژ "فەیسەل بن فەرخان" وەزیرێ دەرڤە یێ سعوودیێ و "هاكان فیدان" وەزیرێ دەرڤە یێ توركیا بگەهنە وى وەڵاتى بۆ پشكداریكرنێ د كۆمبوونێ دا.</h2> <h2> وەزارەتا دەرڤە یا پاكستانێ ئەڤێ كۆبووناڤێ ب "ئێكجار گرنگ" وەسف دكەت، ب تایبەت د بن سێبەرا پێشهاتێن نوو یێن دەڤەرێ دا.</h2>
