نڤێسه‌ر و چاڤدێره‌كێ سیاسی راگه‌هاند؛ 13 په‌رله‌مانتارێن ب ناڤ كورد ل به‌غدا ده‌ستێ نه‌یاران گرتینه ژ بۆ لێدان ل قه‌واره‌یێ كوردستانێ و به‌لگه ل به‌ر ده‌ستن.
موحسن جوامێر، نڤێسه‌ر و چاڤدێرێ سیاسی د داخویانییه‌كێ دا ل دۆر پێنگاڤێن چاكسازیێن حكومه‌تا هه‌رێمێ بۆ خانی نیوز راگه‌هاند: مه‌سرور بارزانی دخوازیت وه‌لاتی بگهۆریت لێ 13 ئه‌ندام په‌رله‌مانێن ب ناڤ كورد ل به‌غدا دژاتییا قه‌واره‌یێ هه‌رێما كوردستانێ دكه‌ن و ده‌ستێ دوژمنان گرتینه، گۆت ژی: مه‌زناتییا هه‌ر تاكه‌كێ كورد ئه‌وه ده‌ما كو بزاڤان دكه‌ت خوه سه‌ربێخیت نه‌ك دژی ملله‌تێ خوه راوه‌ستیت و ئه‌و په‌رله‌مانتارێن كورد ل به‌غدا ب ناڤێ مووچه‌ی دژاتییا كوردان دكه‌ن و تا نها نكارینه چ ده‌ستكه‌فتان ب ده‌ست بێخن.
موحسن جوامێر دوپات ژی كر، ئه‌و 13 په‌رله‌مانتارێن ب ناڤ كورد ل به‌غدا د نها و پاشه‌رۆژێ دا مه‌ترسی نه و نوونه‌راتییا كوردان ناكه‌ن، وان به‌لگه ژی هه‌نه كو ئه‌حمه‌دێ حاجی ره‌شید، د به‌یانه‌كا ئیمزاكری دا گۆتییه، دڤێت ئیراق ژ زاخۆ تا خانه‌قینێ ببیت یه‌ك و ده‌وله‌تا ئیراقێ بكه‌ن ب پارێزگه‌هـ وه‌ك به‌ریا 100 سالان، هشیار عه‌بدوللا ژی، ئه‌ندامێ په‌رله‌مانی ل به‌غدا گۆتییه، هه‌رن هه‌ولێرێ ب هه‌رفینن.
خانی نیوز، عه‌زیز هه‌ورامی
