مهدیایێن ئهمریكا راگههاند؛ ئهڤرۆ نامهیهكا دهنگى یا ئهلكترۆنى گههشتییه تاوهرێن چاڤدێریێ یێن ههژمارهكا فرۆكخانهیێن نیۆیۆرك و دهوروبهران و تێدا گهفێن پهقاندنا كۆنگرێسێ ئهمریكا دهێنكرن.
ئاژانسا سی بی ئێس یا ئهمریكی راگههاندییه؛ د وێ نامهیا دهنگى دا ئاشكهرا بوویه كو ئهڤرۆ ل دهمێ كۆمبوونێ، فرۆكهیهكا مهدهنى دێ ب ئاڤاهییێ كۆنگرێسێ ئهمریكا كهڤیت، ئهف چهنده ژی وهك تۆلڤهكرنا كوشتنا قاسم سۆلهیمانى یه كو ل مهها كانوونا دووێ یا سالا بوورى ژئالیێ فرۆكهیهكا ئهمریكى ڤه ل نیزیكى فرۆكخانهیا بهغدا هاتبوو كوشتن.
ل گۆرهى نڤێسینگهها ڤهكۆلینێن فیدرالى، ئێف بى ئاى، سهركرده، بهرپرسێن پێنتاگۆنێ و دهزگههێن ئێمناهیێ ل سهر وێ پیشهاتهیێ هاتینه ئاگههداركرن تا كو رێكارێن پێدڤی بگرنه بهر لێ ئهو تۆمارا دهنگى ب گهفێن جدى ناهێن وهرگرتن، بهلكو ب سنۆر بڕین و هاتنه ناڤ یا دهزگههێن پهیوهندییان د چهند ئاڤاهییهكێن چاڤدێرى یێن فرۆكهخانهیا نیۆیۆرك ئهو كاره هاتییهكرن.
ئاژانسا سی بی ئێس خویا ژی كرییه، كۆمبوونا ئهڤرۆ یا كۆنگرێسێ ئهمریكا بو پهسهندكرنا ئهنجامێن ههلبژارتنێن ئهمریكا یه.
