بو جارا ئێكێ هه‌ردو تۆرێن جڤاكى یێن فه‌یسبووك و تویته‌ر ئه‌كاونتێ فه‌رمى یێ دونالد ترامپ، سه‌رۆكێ ئه‌مریكا بۆ ده‌مه‌كێ كاتى راوه‌ستاندن و تا ژ ئالیێ كومپانیێ ڤه رێ پێ نه‌هێت دان نكاريت هیچ پوسته‌كێ به‌لاڤبكه‌ت.
تویته‌رى راگه‌هاندییه؛ 3 تویتێن دونالد ترامپى ژێبرینه ب به‌هانه‌یا مه‌ترسییا روودانا ئالۆزییان پشتى هه‌ژماره‌كا ئالیگرێن ترامپى چووینه دناڤا كونگرێسێ ئه‌مریكا دا ل ده‌مێ كۆمبوونا په‌سه‌ندكرنا ئه‌نجامێن ده‌نگدانێن سه‌روكایه‌تییا ئه‌مریكا.
تۆرا جڤاكى یا تویته‌رى راگه‌هاندییه ژى كو ئه‌كاونتێ تایبه‌ت یێ ترامپى بو ده‌ما 12 ده‌مژمێران راوه‌ستاندیه و هۆشدارى دایه ئه‌گه‌ر ترامپ به‌رده‌وام بیت لسه‌ر بنپێكرنا قانوونێن وان یێن سڤیل دێ ئه‌كاونتێ وى ب گرتى مینیت.
دونال ترامپى ڤیدیویه‌ك ل فه‌یسبوك و تویته‌رێن خوه به‌لاڤكربو كو ئالیگرێن وى دچوونه دناڤا كونگرێسێ ئه‌مریكا دا و راگه‌هاندبوو؛ ده‌نگێن وى هاتینه دزین و ڤیدیویا وى ژ ئالیێ تۆرێن جڤاكى ڤه هاته ژێبرن.
As a result of the unprecedented and ongoing violent situation in Washington, D.C., we have required the removal of three @realDonaldTrump Tweets that were posted earlier today for repeated and severe violations of our Civic Integrity policy. https://t.co/k6OkjNG3bM
— Twitter Safety (@TwitterSafety) January 7, 2021
