پهیڤدارێ حكومهتا ههرێما كوردستانێ رۆهنكرنهك دهربارهى رێكارێن خۆهپارێزیێ و خواندنێ بهلاڤكر و تێدا راگههاند، دهواما قوناغێن ئێك و دو بنهرهتى و قۆناغا دوازدێ ئامادهیى یێن حكومى و نه حكومى تا روژا شازدهى ڤێ مههێ دێ هێته راگرتن.
گۆت ژى، قۆناغێن ئێك و دو یێن بنهرهتى و قۆناغا دوازدێ ئامادهیى دشێن تا دهمێ ڤهكرنا دهرگههێن قوتابخانان ب شێوهیهكێ نه ئیلزامى مفاى ژ وانێن قوتابخانێ یێن ئهلكترۆنى و ئۆنلاین وهربگرن.
دهربارهى دهواما پهیمانگهها ژى راگههاند، دهواما پهیمانگههێن حكومى و نه حكومى یێن وهزارهتا پهروهردێ، تا روژا شازدهى كانوونا دویێ دێ هێنه راگرتن و سهر ژ نوى دێ ههلسهنگاندن بۆ رهوشا ساخلهمییێ هێتهكرن.
رۆژا ئێكى كانوونا ئێكێ یا سالا بوورى، لیژنا بلند یا بهرهنگاربوونا كۆرۆنایێ كۆم بوو و بریاردا دهواما قۆناغێن ئێكێ و دویێ بنهرهتى و قۆناغا دوازدێ ئامادهى یێن حكومى و نه حكومى تا روژا حهفتى ڤێ مههێ بهێته راگرتن و ههلسهنگاندن بۆ رهوشا ساخلهمى بهێتهكرن، ههروهسا قۆناغێن ئێك و دو یێن بنهرهتى و قۆناغا دوازدێ ئامادهیى دشێن تا دهمێ ڤهكرنا دهرگههێن قوتابخانان ب شێوهیهكێ نه ئیلزامى مفاى ژ وانێن قوتابخانێ یێن ئهلكترۆنى و ئۆنلاین وهربگرن، سهبارهت قۆناغێن سێ ههتا یازدێ ئامادهى، بریار هاتبوو دان ب شێوازێ ئهلكترۆنى بهردهوامیێ ب خواندنێ بدهن.
