ئەڤرۆ ل دەمژمێر یازدەی سپێدی کچەکا ئاوارەیا شنگالێ ب ناڤێ (س. س.ع) ل کەمپا بێرسڤێ ل سنورێ دەڤەردارییا زاخۆ دووماھی ب ژیانا خوە ئینا. ل گۆری زانیاریێن ب دەست خانی نیوز کەفتین، س.س کچەکا تەمەن ١6 سالی یا ئاوارەیە و دناڤا کەمپێ دا د سه‌رشۆیێ ڤه خۆ خەندقاندییە.
(س. س.ع) كچه‌كا خەلکێ گوندێ تلعزێرێ یە و نزیکی حەف سالانە ل گەل مالباتا خۆ ل کەمپا بێرسڤێ دژیت. خانى نیوز په‌یوه‌ندى ب ماهر مشۆ رێڤه‌به‌رێ كه‌مپا بێرسڤ دوو كر، ناڤهاتى ئه‌ڤ بوویه‌ره پشت راستكر و راگه‌هاند كو ته‌رمێ وێ بۆ نۆژدارییا داد یا دهۆكێ هاتییه ڤه‌گوهاستن و ڤه‌كۆلێن ل دۆر ئه‌گه‌رێن خۆ كوشتنا وێ ژى به‌رده‌وامن.
ھەژی گۆتنێ یە کو ب تنێ د ڤێ ھەفتیێ ٣ کچێن ئاوارە یێن شنگالێ د ناڤا کەپان دا دووماھی ب ژیانا خۆ ئینایە
