وەزارەتا نەفتا ئیراقێ د راگەھاندنەکێ دا بەلاڤکرییە، کو ژ ١-١-٢٠٢١ێ وان دانا نەفتا خاڤ بۆ کومپانیا کار راگرتییە، ئەڤە ژی ژ ئەگەرێ ب دووماھیک ھاتنا گرێبەستا دگەل ئەوێ کومپانیێ دا ھەی نوکە ژی کۆگەھەکا باش یا بەرھەمێن نەفتێ تێدا ھەیە.
د وێ راگەھاندنێ دا ئاماژە بۆ وێ چەندێ کرییە کو وەزارەتا نەفتا ئیراقێ دگەل چەند کۆمپانییەکێن نافخۆیی گرێبەست گرێداینە بۆ پارزنینا ١٠٠ ھزار بەرمیلێن نەفتێ د رۆژەکێدا.
وەزارەتا نەفتا ئیراقێ ماوێ چەند سالانە گرێبەست دگەل دوو پارزنینگەھێن ھەرێما کوردستانێ گرێداینە، بۆ دابینکرنا سوتەمەنیێ بۆ چەند پارێزگەھێن باکوورێ ئیراقێ، ل دووڤ گرێبەستێ ژی وەزارەتا نەفتا ئیراقێ نەفتا خاڤ بۆ وێ پارزنینگەھێ دھنارت و ئەوان ژی پارزنین دکر.
د وێ راگەھاندنێ دا وەزارەتا نەفتا ئیراقێ ئەگەرێ نوو نەکرنا گرێبەستێ دگەل کۆمپانیا کار روون نەکرییە.
