تورکیا ھەیڤا خوەیا حەفتێ یا دەستکرد ئەڤرۆ ھنارتە ڤالاتییا ئاسمانی و وەزیرێ ڤەگوھاستنا وی وەلاتی ژی ئاشکرا کر، سینگلێ ئێکێ یێ کارکرنا وێ ھەیڤا دەستکرد وەرگرتییە.
عادل کارا ئیسماعیل ئۆغلو، وەزیرێ ڤەگۆھاستن و ژێرخانەیا تورکیا راگەھاند، ھەیڤا دەستکرد ب ناڤێ تورکسات پێنج ئەی یا تایبەت ب کاروبارێن ھەوالگیریا سەربازی ب ھەڤپشکییا کۆمپانییا تورکسات و کۆمپانییا ئایرباس یا فرەنسی بەرھەمئینایە و ئەڤرۆ سپێدێ سەعەت پێنج و پازدە خۆلەک بەر ب ڤالاتییا ئاسمانی ھات ھنارتن، پشتی سیھـ و پێنج دەقیقان ژی سینگلێ ئێکێ یێ کارکرنێ ھاتیە وەرگرتن.
کارا ئیسماعیل ئۆغلو ئاشکرا ژی کر، دو ھەیڤێن دیێن دەستکرد ل بەر دەستێ وانە ئێک ژ وان ب ناڤێ تورکسات پێنج بی و د قۆناغا داویێ یا بەرھەمئینانێ دایە و چێکرنا وی ژی ھەموو ژ ئالیێ تورکیا ڤەیە، ھەیڤا دی ژی ب ناڤێ تورکسات شەش ئەی یە و ژ نفشێ شەشێ یێ ھەیڤێن دەستکردە، ئێک ژ وان ل مەھا خزیرانا ئەڤسالە و یا دی ل دەستپێکا سالا بھێت دێ بۆ ڤالاتییا ئاسمانی ھێن رەوانەکرن.
تورکیا ھەیڤەکا دی یا دەستکرد ھنارتە ڤالاتییا ئاسمانی
