ژ بزاڤ و چالاکیێن پەرتۆکخانا بەدرخانییان ل دھۆکێ ئەڤرۆ د رێورەسمەکێ دا ب ئامادەبوونا ھژمارەکا نڤێسەر و رەوشەنبیرێن دھۆکێ پەرتوکا (ئاسایشا نەتەوەیی، خواندنەک دەستپێکی شرۆڤەیی) ژ لایێ نڤێسەرێ پەرتۆکێ ڤە ھاتە ئیمزاکرن، و کەفتە بەر دەستێ خواندەڤانان.
نڤێسەرێ پەرتۆکێ سامان عومەر بۆ خانی نیۆز ل دوور ناڤەرۆکا پەرتۆکێ دیارکر: پەرتوکا وی ڤەکۆلینەکا ئەکادیمییە ل دۆر ئاسایشا نەتەوەیی و ژ ١٠٠ لاپەران پێکھاتییە، ھەروەسا ھەشت باسان و بیست و پێنچ تەوەران بخۆڤە دگریتن.
سامان عومەری گۆت ژی: ئارمانجا وی ئەوە ب زانستێ ئاسایشا نەتەوەیی پەرتوکخانا کوردی زەنگین بکەت.
دھێتە زانین کو ناڤبری خودانێ پەرتوکا (باشورێ کوردستانێ و ئاسایشا نەتەوەیی) یە کۆ سێ بەرگێن وێ ھاتینە چاپکرن.
خانى نیوز، سامى رێکانى
